El Conceyu d'Eilao celebra l'autorización de tres parques eólicos    

El consistoriu asegura que ye una bona noticia pa un conceyu con menos de 300 habitantes

Trelce aeroxeneradores recibieron autorización alministrativa del Principáu. Proyéctense n'Eilao, en tres parques eólicos que van ocupar terrén de les sierres de San Isidro, Pirelo y el Pato.

El consistoriu asegura que ye una bona noticia pa un conceyu que tien menos de 300 habitantes y onde yá hai eólicos en funcionamientu na sierra d’A Bovia.

Unos parques que van tener que cumplir colos requisitos y plazos llegales y que van tar condicionaos a l'autorización d'una llinia d'alta tensión pa tresportar la enerxía xenerao por estos parques y los que puean llegar nel futuru.

Vecinos y conceyu tán a la espera de que la tramitación avance pa conocer más detalles.

Los tres proyectos, que proyecta la empresa Capital Energy, inda tienen per delantre muncha tramitación pendiente.